في مصر - شقير بن عقيل الجذع
اليوم انا قلبي على خف وجناحما عاد يبغى مصر شطه ونيلهحتيش لو يطلع بمنجى وتفاحوحتيش لو فيه العماير طويلهدارٍ ابها المشهور مصري وفلاحما حدٍ يعد اصله ولا له قبيلهربعٍ تضيف ضيفها رجل وجناحواطيبهم اللي جاب ديكٍ يشيلهاشتاله البركان والصبح منباحوعوض مبانيها الرفيعه نثيلهويصبح صحن صاحي من النزل صحصاحوينجابه اللي خالقة يعتني لهينجابه اللي فيه يأمر بالاصلاحومن لايخاف الله عسى الله يزيلهدارٍ انساها لبسها شرت وشباحواللي يحاكيها تقف وتحكيلهيمشن والاسلاب من قدم فتاحوانا دخيل الله منجي دخيلهماجيت له ياسيد البيض سواحولولاك والله يا الغضي ماعنيلهولو قلت لك مرتاح ماني بمرتاحيعلم به اللي كل همٍ يزيلهوصبرت لاجل دواك ياضبي الابراحهذي من السفره ثلاثين ليلهاقعد من المغرب ليا نور الاصباحالقلب كنه فوق حامي المليلهقلبي قفل وله الهواجيس مفتاحليا صدر هاجوس الاخر يجيلهصبرت صبر ايوب لين الصبر راحراح الكثير ولا بقى الا قليلهقلبي كما طيرٍ دعيله بملواحهواه نجد وجلستي ويش هيلهوجداه يا شمة ذعاذيع الارياحفي نجد غب مروحٍ سال سيلهمن الحجاز ليا شروره والاسياحما به شعيبٍ ماتدارج مسيلهديرة مكسرة الجنابي والارماحماهو بدار مصلحين البليلهدارٍ بها عشنا شريفين وصحاحما قيل ذي جربا وهذي عليلهيازينها لو عيشها صعب وكفاحوياحلوها لو شربها حنضليلهوياما حلى فيها والادباش سراحسجه ومع بعض الرجال تعليلهفي مجلسٍ هرجه سواليف ومزاحوالنار تشعم والمسير يجيلهوالكبش جابه من هل المرح الاشحاحمن ضان رباط العصا في صميلهوقال اقلطوا ياعيال عن الشبب طاحورمى الشوا بين الحطب والنثيلهلا من طير النبت غب الندا ناحهذي طرات العمر والله وكيلهويازين فيها جلستٍ قبل الامراحصافٍ قمرها غب نو المخيلهفالعبله اللي رملها تقل مسباحابيض كما اللولو والاحمر مثيلهيعطيك بألوانه تشاكيل وألماحمثل الخرز ومشاركه دق نيلهارضٍ عليها مشي الاقدام يرتاحسجتٍ قدم بالنعل ماتحتذيلهليا ذعذع الغربي وريح النفل فاحسقوى سقى الله سجت فيه ليلهبأطراف قطعانن تمرجح تمرجاحترعى فالارض قفرٍ خلا مالفيلهيقهر له المقهور سرحه ومرواحوتكسر على صوت الحوار وعويلهوترازمٍ افواق من ذود مصلاحودرهم بمحلابه ونفذ شليلهوقرب لهن ماعون لين الرغو ساحما كنه الا بالوقايا يكيلهاثو البطون اسداس مجهم ومضياحومن لا كسبهن ساعده عزتيلهحتيش لو يكسب ملايين الارباحتعبان قلب وراس يومه وليلهيتعب وتاكلها قليلين الافلاحناسٍ تجي بعده وتنسى جميلهومرد العمر الفنا وين ماراحفراشه الطين وغطاه النثيلهوتطلع ملايكة العمل بيض الالواحوتخسر بها اعمال اليدين البخيلهويخسر بها اللي يعمل الجرم منزاحتوه بدا يحسب لياله طويلهمثل البهيم ليا شبع فالحيا صاحلمتلى بطنه تزايد صهيلهوليا غاظ بطنه صار للحق نفاحمايكسب الا الناقصه والفشيلهلاخايفٍ ربه ولا طاع نصاحيلعبه الشيطان بيا وسيلهنذل يبابالجرم شهرة ومداحيرضى شياطينه ويزعل كفيلهوهذاك حظه لو صعد للعلا طاحجزاه نار بما عمل تحتري له
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.