مساجلة - عبدالرحمن ناهي

سلام يا بو فهد واللي حصل كد حصل
 
خلك شمالي وظرف الوقت لا تجهله
 
أحيان جيش الضلاله يهزمون الرسل
 
والعاقبه للرسل والنصر ربي كفله
 
من واقع الحال بضرب لك عليها مثل
 
وانا اعرف انك أديب وتعشق الأمثله
 
ما شفت فرسان مكة قالوا اعلو هبل
 
لكن نهاية هبل صبيانهم تسحلة
 
يا بو جهل وينك انت اليوم يا بو جهل
 
ليتك تشوف الحرم بجموعه المذهله
 
ما كان سقت الحقد من عقلك المنهبل
 
ياللي ربوعك كثيره والرجل بعمله
 
يا كثر فرسان عصر اهل الرخا والطبل
 
لو عاشوا بعصر حد السيف ذي مشكله
 
من جاوز السيف يبلش في رماة النبل
 
وان هاب يجلس ردي الذات في منزله
 
الثوب يستر على ذاك السفيه الخبل
 
والعقل نور على اهل الزود والمرجله
 
كانك تبي تقهر الجهال مالك أمل
 
حنا بلشنا بطرد السايبه مهمله
 
لاتزعل الا على ناسٍ تقدر زعل
 
والطرقي اللي يمرك لا تشيل زعله
 
والحمل ما ظن نوخ بالصبور الجمل
 
طبايع هديب لو زاد الحمل يزهله
 
 
 
شعر:عبدالرحمن الناهي
 
 
 
 
 
لو تعصف الريح
 
 
 
سلام مني عدد حبات وبلٍ هطل
 
وعداد ما صلوا الخمسة مع النافلة
 
أجمل من الورد واحلى من مذاق العسل
 
تحيةٍ من ربوع الغرب متواصله
 
تاصل لمن هو بعث لي نادرات الجمل
 
أخوي وان قلت اخوي اتيه كلي وله
 
تكفى يا بو سيف قولوا له ان كانه سأل
 
عني تراني بفضل الله والحمد له
 
أبشرك بالف خير ولا علينا خلل
 
مادام ربي رفع راسي ولا نزله
 
لو تعصف الريح لكن ما تهز الجبل
 
ثابت وانا اخوك من عاليه لين اسفله
 
والناس ما بين حكم الدين والا خجل
 
واكيد ربحان من هو فاز بالاوله
 
واللي فلس من حدا الثنتين ما له أمل
 
يفوز بالآخره أو يكسب المرجلة
 
بالمختصر سيرة الإنسان منذ الأزل
 
دربين تمشي بها الركبان والراجلة
 
دربٍ يوديك للعليا بليا جدل
 
والدرب هذا ردي النفس ما ياصله
 
يمشيه من يستخف الحمل مهما ثقل
 
لو تنبح كلاب خلق الله على القافلة
 
رجلٍ اليا جات حزات الشدايد فعل
 
تجود نفسه كرم من قبل ما تسأله
 
والدرب الاخر وضيع ودايماً مبتذل
 
درب المذله ردي الذات يستسهله
 
يمشيه من يفعل الشينه بليا وجل
 
همه مثل باقي الأنعام في ماكله
 
لو ترفعه لين تبلغ في مقامه زحل
 
والله لينزل ولو شديت به سلسله
 
والعمر يمضي ودورات الليالي دول
 
والله لو يمهل الإنسان ما يهمله
 
وش حاز قابيل في ديناه لما قتل
 
أخوه هابيل غير الذل والبهذلة
 
نصيب هابيل في جنات ربه نزل
 
أما نصيبك سعير النار يا قاتله
 
واختامها مسك والموضوع لما اكتمل
 
ابى انثر الطيب فوق الخط ثم ارسله
 
 
 
شعر: عطية الكوح البدري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر