محكمه وابرياء

اختلاط الحقيقه والخطا فالجدال
ماتساوى ليا مرت على الاذكياء

واقع العوجه اللي في رقاب الجمال
من يحاول يعدلها من الاشقياء

في حساب الغروب وفي حساب الزوال
فالبدايات ( من ) وفالنهايه ( ليا )

لو ما الحق يظهر من صدور الرجال
كان مافيه ظلم ومحكمه وابرياء

حكمه وقو باس ومعرفه واحتمال
والوهايب من الله ماعليها اقوياء

والوضاعه غشامه والتواضع جمال
تحمل الفرق بين الكبر والكبرياء

لو تعمّر قصور ولو تدمدم جبال
ما وصلت لمراحل عصمة الانبياء

كاسبٍ راس مال ودونه الراس مال
كم فقيرٍ بعزه يحقر الاغنياء

وعزة النفس ماتشرى بخشم الريال
يكسر عزومها من يتبع الاثرياء

حط لك حاجزٍ وهمي وروح وتعال
شوف ثقل الوداع وهم قلع النيا

سر وضع النعامه راسها ف الرمال
ما درى عنه حضرت عالم الكيمياء

خل عندك مروة وجه يا ابن الحلال
ماتعاف الرجال الا قليل الحياء

اكثر اعمال ضعف الذات بالاحتيال
يدخل الشك فيها حول شرك الرياء

حسب تشخيصي لحالك على كل حال
شكل عندك من فعول الوفاء فوبيا