يا أغلى العرب ما فات من صد كافي
مدي يدك خلي العواذل يحكون
ياروح يكفينا فراق ..وتجافي
يكفي عتب..كل المخاليق يخطون
شربت من بعد العسل سم صافي
وأمسيت بعد الفرح داله ومحزون
إليا التقينا هاض بالقلب غافي
ودارت علي دورات ليلى ومجنون
أشوف بعيونك قصيد وقافي
لوم وعتب وأيضا تعابير وشجون
لسحر المعاني في عيونك مرافي
فيها إجتمع مليون معنى ومضمون
يا نظرة تهتز منها الخوافي
ويا بسمة تطغى على كل قانون
أنتي خيالك في سما الروح ظافي
ما شفت مثلك ياهوى البال مزيون
منك الغرام وكاس الاحباب وافي
أنتي شعاع النور إليا أظلم الكون
كتبت لك باسم الغرام إعترافي
عنوانها لك باسم عاشق ومفتون
ردي على إبلسم منك شافي
يشفي خفوق في خفى الجوف مرهون
يا غايتي كلمة سلام..وعوافي
تكفي دوا لجروح الايام وتهون
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.