اللي يبيني معه

لـ عبدالله بن سليمان بن موسى البهلال، ، في العتب والفراق، 23، آخر تحديث

اللي يبيني معه - عبدالله بن سليمان بن موسى البهلال

اللي يبيني معه جنه وهداجي
لا بد ما يزرع الجنة ويسقيها

يقطف ثمرها بلا توكيل واحراجي
الناس تاخذ بها الدنيا وتعطيها

الليل ما ينكشف يا كود بسراجي
دنيا طويله إلى عدو لياليها

نصبر ونصبر ونلقى كم مخراجي
وايامك المر حاليها بتاليها

الله عطانا لبعض الضيق منهاجي
واللي يروم العلا يحفي مواطيها

والصد عن حثلها تأديب وعلاجي
ماهوب يلزمك كل الناس ترضيها

واللي لفا حق ضحكة سن وحجاجي
اتقابله لين تبدأ لك خوافيها

شعر: عبدالله بن سليمان البهلال

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر