الا يالمطاري .....

لـ مرضي البلوي، ، في المجالس والقهوه، 17، آخر تحديث

الا يالمطاري ..... - مرضي البلوي

الله يقطع كل طاري ومنحوس
تطري علي من الطواري طواري

لاشك بعض الروس ماهي من الروس
وماني مخالف في طريقي مساري

اقلط على فالٍ موثق ومدروس
وغيري على فاله تحذف صفاري

مالك ومال العز جاهز و ملبوس
ومالك ومال النعم فعلٍ وطاري

أنا بلوي علمٍ على شفرة الموس
يخجل تواضعكم الا يالمطاري

حطيتني في وضع والوضع محيوس
وحطيت لك قافٍ وكاتب وقاري

لاهبت الريح القويه من الكوس
تلقى بثر ماقلت باب الطواري

غادر ولا لك شبر بالقاع محروس
منك الحرس ضجت وهذا قراري

مع السلامه والله يعين يالنفوس
مضيومه وباقي عليها انتحاري

ماتطلب الحاجات وتصف بفلوس
باول زمانك واخره وانت داري

ولاتحشد الهمه وترقى بدنفوس
عقب على ربعه كثير المزاري ..

ولا تطلب العليا بهاماتٍ جلوس
في نيلها فتك السباع الضواري

عود على ربعك عسى ابوك مأنوس
وامك عساها ما تشوف العزاري

ظني وصلتك في تعابير وهجوس
ولا وصلتك في قرارٍ .. وزاري

البارحه بالقيد واليوم محبوس
و ( الصدق يفضح مظلمات الغداري )

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر