حالي ترداّ - شالح بن هدلان

ياذيب انا يابوك حالي ترداّ
وانا عليك امن المواجيب ياذيب

تكسب لي اللي لاقحٍ عقب عداّ
طويلة النسنوس حرشا عراقيب

تجر ذيلٍ مثل حبل المعداّ
وتبري لحيرانٍ صغارٍ حباحيب

واشري لك اللي ركضها ماتقدا
ماحدٍ لقى فيها عيوب وعذاريب

قبّا على خيل المعادي تحدى
مثل الفهد يوثب عليهم تواثيب

انشهد انك باللوازم تسداا
وانشهد انك خيرة الربع بالطيب

ياللي على ذيب السرايا تعدا
لو حال من دونه عيال وعواطيب

ليثٍ على درب المراجل مقدى
مافيك ياذيب السرايا عذاريب

© 2022 - موقع الشعر