بقولها و اظهر من الهرج خافيه
مايجتمع علم و معاصي بحزه
اليا بغيت العلم فرضك تصليه
وارفع يدينك تلقى عز و معزه
علمن بليا اخلاق ينعاف تاليه
بالهرج ماتلقى من الناس فزه
والجاهل لنفسه عدوٍ يناحيه
شوره لنفسه خز ونفسه تخزه
العلم نور ينور بدرب راعيه
من زود عزه فارغ الطيب عزه
عقب المحل يزرع ترابه ويسقيه
والرز ينبت يشبع البطن رزه
لو هو خلي راعيه ما شيّ كاسيه
العلم يكسي عاري السمت بزه
ماتبلش براعيه لوّك معاديه
العقل يحكم والسماحه تهزه
عز الله ان راعيه متهقوين فيه
يصادم الروس و محد يستفزه
متهقوي بعلمه بعيده هقاويه
للكايده يطمح وعلمه يكزه
يرقا الطويله مرقبن فوق عاليه
واهل الجهل لو حدقت ماتقزه
واعظم علوم العلم شرع نواليه
والطب بعده مزنة مستعزه
يالله جعل العلم راعيه تعطيه
محصول جهده بالمعزه تعزه
سطر حرمك النوم يا حي قاريه
يجعل حياتك نجمة مبرهزه
زياد السعدي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.