ابو وجهين

لـ فهد المنصوري، ، في غير مصنف، 33، آخر تحديث

ابو وجهين - فهد المنصوري

لوان العلاقه والمعرفه لها تأمين
‎قدرنا نعوّض وانتفادى خسارتنا

بناخذعلى المخطي ليا اخطاكماالتثمين
‎على شان ماتصعب على الناس حالتنا

بنبقى فعين اصحابنا دايمن وافين
‎ومنكم بريّه(يااخبث الخلق)ذمتنا

ردي العزوم يشوفنا دايمن هادين
‎ضعوفن ولانقضي من الضعف حاجتنا

يحسب الضروف اتمرّنا كلبوها لين
‎نسى ان الحديد يلين لاشاف قسوتنا

تسهّل وروّح في طريقك مع المقفين
‎ومعك انت ومثالك بنقطع علاقتنا

وحبيت اقلك قبل ماانسى يابووجهين
‎ترى علومك الودره مع الناس وصلتنا

تصاغرتنا في عيونك يا حبيبي لين
‎تلد بطرف عينك ونظرتك صحتنا

عرفت انك مجنّب دروب الرجال يمين
‎بعد هرجتن على الردى منك حدتنا

تحاقرت نفسي قبل افكر بوضعك زين
‎تفاجئت في سعيك بتشويه سمعتنا

تندمت يوم اني مدحتك قبل عامين
‎احسبك كفو وانك على قد هقوتنا

وقفنا معك وقفة تناسيتها ذلحين
‎بوجهن وجاه وفعل طيب كعادتنا

وهذالنتيجه يارفيق الفلس والدين
‎نواياي والطيبه معك وين ودتنا

لواني معك صامل وحازم واحمر عين
‎بتحسب حسابي زين لكن غلطتنا

تركناك تلعب يالهلامه على الحبلين
‎تماديت لين اعدمت ونهيت صحبتنا

تراك انت مثل اللي بنى بيته بفلين
‎ولااصبح عليه الصبح في وسط حارتنا

خذتك الهبايب بعد هبّت ولادري وين
‎رمت بك على جال الطريق وتعدتنا

ولاوقّعت بك كود في ربعك الادنين
‎بعدما قسمت الصف واخلفت وحدتنا

مصيرك تعوّد وان قعدنا من الحيين
‎وعلمك كيف الناس تكسب مودتنا

على شان تعرف كيف تلعب معي بعدين
‎وتندم على بيعتك في يوم عشرتنا

#فهد_المنصوري
© 2024 - موقع الشعر