طبع ابو وجهين عينه مثل عين الجراده

لـ ، ، في غير مُحدد، آخر تحديث :

التحايل عند بعض الأوادم صار عاده
واحدٍ يقراء الرساله وكنّه ماقراها

عنده الصحين دايم ✔✔ مغطيها رماده
والرماده ماتناسب يكون اللى كماها

خايفٍ من ويش ؟ يالله تلهمه الشهاده
حيلته مايدري أن البشر تكشف غطاها

مايخاف الا الذي يبخل بشربه وزاده
ولاّ راع البندق اللى تثوّر في خباها

كان ماتبغا نراسلك يامال القراده
قولها وابشر ولك عهد منا ماتراها

ولا عطنا حظر والله يعيّشك بسعاده
صحبة المحتال بالغش حنا ما نباها

طبع ابو وجهين عينه مثل عين الجراده
نفسه المتلونه دوم يعطيها هواها


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر