شمس الغروب - ناصر محمد الرزاح

اشرفت شمس الاماني على حلّ الغروب
واقبلت جهامة الليل والدنيا كفاح

و اترقْب كل يوم(ن) من القبله هبوب
ياالله انك ترحم الخاطر الي ماستراح

من سبايب من تلوح بجادلها الهبوب
شبه وضحاً زينها يحقر الي ف المراح

اشهدن قلبي هواوي على حبه طروب
ول ياقلب تولاه همه ب اكتساح

ارتكب فيني ذنوبً من كبار ذنوب
يوم خلى الروح تشكي من هموم الجراح

معركة ذكرى وخذلان وغياب محبوب
كلها في وسط روحي كما ضرب الرماح

ياوجودي وجد منهو معرب ومحسوب
بار فيه الي يعده حزامه والسلاح

اتصنع سجة البال و في صدري شبوب
ف الخلا الخالي وروحي مطامعها الفياح

الهوى غلاب و انا من العشق مغلوب
وحظي المقرود عاكس مسارات الرياح

والهواجيس استطاشت وضيعت الدروب
خاطري ماهوب طيب ومكسور الجناح

ودي اني قبل اعرفك معي عشرة قلوب
لجل ماحزن في غياب المقفي يوم راح

ناصر ابن محمد الرزاح ✍🏻
© 2022 - موقع الشعر