انتي القمر بين خلقه - احمد الكثيري

انتي القمر بين خلقه ساطعٍ نوره
أنتي حياتي ونور الكون وازهاره

يا ابو جديلٍ على الكتفين منثوره
ارفق بقلب عليك يبوح بأسراره

أنا مولع وروحي منك مقهوره
عامين قلبي جريحٍ ولا طفت ناره

يا نور عيني تكرم هات لي صوره
أشاهدك لو فؤادي حنت اوتاره

لا يا عواذل عليه العين مجبوره
تسهر على فرقته لو طال مشواره

لعلني أشوف زوله واروح عطوره
او من يجيني بتالي الليل بخباره

حلفت ما شفت مثله بكل معموره
من مبسمه والجمال الناس محتاره

يا كم من اجله دخلت الشعر وبحوره
خلوا المعذب يسلي الناس بأشعاره

© 2023 - موقع الشعر