وش تبين !!

لـ أحلام حجر، ، في غير مصنف، 6

وش تبين !! - أحلام حجر

‏وش تبين !! محيرتني مدري وش تبين ؟؟
كان حبي بيدينك وكنت ميت في غلاك

يوم منك تقربيني .. ويوم عني تبعدين !!
لعبتي بأعصابي وانا اللي ماعندي سواك

قلتلك مهما بعدتي أدري بكره بترجعين
ماتعيشي لحظة دوني وانا ما أحيا بلاك

وضحي إحساسك اللي بوجودي يستهين
قولي انك ماتبيني وإعكسي عني خُطاك

تدري قربك هو حياتي وبحياتي تلعبين
لاسامح الله جنونك ولا سامح الله عَناك

ماكفاك اني صاير شخص بائس وحزين
وكل من حولي يقول اني مسحور بهواك

كيف أثبت لك انك حب وعشق السنين
وإني ما ابي غيرك انتي وما ابي أحدٍ معاك

يعني أقطع لك وريدي واسقيك من دمي الحنين
والا انزف لك شعوري وانتظر منك دواك

أحلام حجر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر