تبين الحب؟ - فالح بن عاتق الحارثي

عرفتيني حنون القلب أجامل أغلب الأحيان
ولكن هل عرفتيني بوجه الرفض والعصيان؟

أنا النادم أنا الشاكي أنا الباكي على الذكرى
وأنا العاصي أنا الناسي بلحظه أغلب النسيان

خذيني للهوى بسمه تلاقين الهوى جنه
خذيني بالغدر أحفر بقلبك للشقا وديان

أنا ما أتعب بروحي إذا فصل التعب أقبل
جفافي لو حصل لازم يلامس عودك الريان

عطيتك فرصة وفرصة ولكن ما تعلمتي
غضيض الطرف ما يحسب أبد من جملة العميان

إذا أمنتي بدين الوفا مديت لك روحي
وإذا خنتي فلا دنيا تهديني ولا أديان

أثور بوجه أيامك وأشتت حبك الباقي
وأدوس القلب لو للي مضى شد الوفا شريان

وهذا انتي عرفتيني بزين وشين واختاري
تبين السمع والطاعة تبين الرفض والعصيان

تبين الحب كل اللي مضى لابد يتغير
بغض الطرف أحيان وبحاسب أغلب الأحيان

© 2024 - موقع الشعر