درب الأحرار

ما يلحق الحر السنافي مشاريه
الا ليا جالس هل السوّ .. مختار

يا حرّ .. راسك للطمانه توطّيه ؟!
وانت الذي لك بالشواهيق مقدار

درب المراجل .. لا تتوه وتخلّيه
وانصحك لا تمشي سوى درب الاحرار

رِجل ٍ تدلّ الدرب .. ورِجل ٍ على التيه
ورِجل ٍ على الجنّه .. ورجل ٍ على النار

نادى لك اللي ينتظر منك لبّيه
ما صاح حرفه غير لقلوب ٍ اخيار

إما تجاوب للمنادي قوافيه
وإلا فلا تنفعْك الابيات .. واشعار

إحساس شاعر .. لا تلدّ وْ تقفّيه
شْعور صاحب .. لا تهدّه وينهار .. !!