الصوت الرخيم - محمد عبدالله الحسين الشطيري

الصوت الرخيم
بحت الصوت الرخيم سحر والله العظيم

يازين حكيتها يازين ضحكتها شي ماتتخيله
جتني تقول ابغي حلول يالرجل الفهيم

قلت ابشري باللي تبين ويش المشكلة
قالت صار لي سنين قلبي سقيم

ورب الكتاب الكريم حبك بهذلني بهذلة
قلت اذكري الله وسمي الرحمن الرحيم

درب الهوى والحب ماظن مثلك يجهله
قالت بالله عليك لاتسوي فيها غشيم

قسم بالله حبك زلزل قلبي زلزلة
قلت يالله ياعظيم تكفينا سواليف الحريم

مثلك يصعب علينا يابنت نزعله
قالت لاتسير شخص مغرور واحساسك عديم

ود اللي يودك ارجوك ياخي لاتهمله
قلت يابنت لاتستعجلي خذي الحل السليم

قلبي من هوى الزينات بيبانه مقفلة
بس اصبري وخليها على رب كريم

يمكن مع الايام تنسي وتنحل المسأله
الشاعر :

محمد عبدالله الحسين الشطيري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر