بسري على بيروووت

ياكويت ابسري واتجه صوب لبنان
يمكنّي انسى طاري الحب مرّه !

بسري على بيروت .. والقلب ولهان
لو كان في جوفي من الصد حرّه !

فيني عنا فيني الم ...فيني احزان
فيني شعور... يضايق النفس كرّه!

فيني من الظيقات اشكال .. والوان
ماعشت عمري في فرح او مسرّه !

ياكويت اببعدعن ضواحيك من شان
انسى خياله ..واتناسى ..مقرّه !

لو كانت (الجهرا) بالاعماق (انسان)
تسكن حنايا خافقي\ (مستقره)!

الحب ...لوعه ..ظيق..تفكير وجدان
ماقول غير (الحب) لله درّه ..!

طفله تجرعت العنا ..هم واشجاااان
انثى زماني -ماعطى غير شرّه ..؟

رويت من شعري ...معنّى وضميان
واشفيت ناسٍ ..كلبوووها\ مضره ..

وانا تركت الدمع \ يسقط وينهان
واجر صوت ٍ :يتعب القلب جرّه ..؟

لا يابري حالي ..على شوف لبنان
يمكنّي ... انسى طاري الحب مره

والبال متعومس ... وظايق وطفشان!
وانا اشهد بجوفي ... من الصد حرّه