ياكبر حلمي

لا مارخصت بقاف شعري وذليت
حرفٍ كتبته من وريدي ودمي

لانه .. كبير ..القدر قوه وتثبيت
دايم مكانه فوق عن كل ذمي

ركّزت في معناه عن كل تشتيت
قبل اتهيض به من الفكر اسمي

جزالته نشأً... البداوة ... تربيت
واصبحت انا له بنت خالٍ وعمي

رفيقي اللي .. م اخّبر اني تأذيت
من رفقته قلبي حشى مستهمي

لامن دعاني للسواليف .. لبيت
ياسعدني .. وياه .. ياكبر حلمي

وافي ومثّله بالوفاء ما توانيت
عزّ الله أنه في حياتي مهمي

كلمات غزيل سعد
الملتاعة