الناس الحلوة - محمد سراج محمد

ناس تقابلك بالمحبة
وترسم الحب بالتعافي

وناس ترسل بسمة حلوة
وناس تقالدك بي تصافي

ناس تدندن فيك مقطع
وتبقى ليك اجمل مرافيء

ناس بتصنع دنيا حلوة
وأصلو ما تقدر تجافي

ناس حلاوة الريدة فيها
والنبع جواها صافي

ناس تكفف لي دموعك
وبس تقول ليك إنت كافي

ديل كنوز لو جات طريقك
أجري والحق وإنت حافي

ما تفرط او تعاتب
وما تلوم لو حتي مافي

ما السعاده دي دروبها قاسية
والحبيب الراقي وافي

والقليب لو ما بيحبك
ما بيسطر فيك قافي

والعيون الجد تريدك
انت في احداقا صافي

والشعور الليك رادت
ليك رايقة وريده وافي

ونظرة الحب لما تصفي
اصلوا ما تعرف تجافي

© 2024 - موقع الشعر