خليفه يا عضيد الروح

لـ سعود بن عبدالعزيز الزيد، ، في الغزل والوصف، آخر تحديث

خليفه يا عضيد الروح - سعود بن عبدالعزيز الزيد

يقول اللي على فرقا وداده واله شفقان
ولا عيّن عقب لطف الحشا ناسٍ يعزونه

يون و يطحن ليل و نهار من العنا تعبان
والا يا خبلكم ياللي ليا غنّا تلومونه

ترا اللي مبتلي بالحب مثلي يا ملا ينعان
عسى ربي يعين اللي على البلوى يعينونه

عسى من لامني فصويحبي يصفعه شيخ الجان
عساه يموت ما يمم و يبطي ما يدفنونه

انا لي صاحبٍ ما أنساه لو كثروا لي الخلان
ولا ينزاح حبه لو يغسلونه بصابونه

مكن حبه بقلبي مكنّة المسمار فالليحان
ولو جابو الكزل و المطرقه عجزوا يقشعونه

الا و قلب قلبي آه وقلبي خذاه انسان
خذا قلبي ولا لي لابةٍ منه يردونه

شعطني كهربه واذهب حياتي قايد الغزلان. قشع قلبي من عروقه قوام ويبّس غصونه
لطيف الروح زين الدل عوده ناعمٍ ريان

نشا في كن وظلال وبماي الورد يسقونه
والا هب الهوى قام يتخضع مثل غصن البان

يروع الناس لا عرّض وهم ماهم يهمونه
خليفه يا عضيد الروح قم اكتب وحط اعلان

لعل البيض لا مرّن يشوفونه و يقرونه
حساب الله عليهم عد مابيكون واللي كان

اقول ولا اختشي حتيش لو صوتي يسمعونه
ولا في قلوبكم رحمه ولا خوفٍ ولا إيمان

ولوني وانكروني آه و الأرزاق مضمونه
يمروني ولا يحكون لا بشفا ولا بلسان

سلام الله يالخفرات ياسعكم تقطعونه
صديقٍ ما نفعني حي بعده من العدوان

ولابغي رفقته وابخبر احبابي يعادونه
الا يا ليتني و يالحبيّب في ظهر سيدان

على يمناي بالتنده وانا بيدي دركسونه
نولع لمبته ونهوم انا وياه فالبران

نسوي ماتسويه العرب وارجعه دونه
شكا ثوبه ثمر نهده من رقيق السلب حفيان

وساقه يشتكي لله من اردوفٍ يضيمونه
ترا اسم صويحبي خافي والا مني بغيته بان

يسمونه هل الديره و انا حالي يسمونه
الشاعر - سعود عبدالعزير الزيد الكويتي

مدينة العيون
© 2024 - موقع الشعر