ورد الغلا - نوره امبارك السريحي

ذبحني غلاك اللي مع عروق قلبي ذاب
وتفننت في لفت انتباه الذي تغليه

ترفّق ترى قلبي بحبك ما هو كذّاب
على الهون لا تهدم عروش الغلا ياهيه

أحبّك وحبّك شيء يسحر هل الالباب
كذا لعبة الشطّار والا غرام التيه

أحبك لو ان الحب مات وبقينا اغراب
فلا لي غنى عن حب عشنا وهمنا فيه

عزا قلبي انك حبه الفاتن الجذاب
لو ان الدروب مبعثره فيك شيء ابغيه

تصدّقني انك شخصاً اتثير للإعجاب
اليا صار كل شيءً على بالك اتسويه

ترددت في حبك ولكن بدون أسباب
من إعجابي بحرفك وورد الغلا وبوكيه

تفنّنت ثم ابدعت وأخذت من ما طاب
بما تكتبه من درّ غالي مثل راعيه

على مفترق درب المحبه نفكّ الباب
فلا تطري الهجران والبعد لا تطريه

لو انك تغيب يصير كل الحضور غياب
تصارع جيوش الحب والبعد في واديه

نوره العلي
© 2024 - موقع الشعر