كوفيد 19

لـ حسين القفيلي، ، في الحكمه والنصح، 33

كوفيد 19 - حسين القفيلي

قالوا مصاب وقلت ويش الاصابه؟!
قالوا كوورونا راصدينه على طول
كم واحد ياحسين وقف ببابه
إما مريض أوعلى النعش محمول
حتى الاطباء علمهم مادرابه
أقصى النتايج بين إبره ومحلول
قلت القوي الله مجري سحابه
اللي تزول الناس ماملكه يزول
غيبه وعلمه فيه كل الاجابه
ولا البشر ماعندها طب وحلول
الله عليه الحال وأجر احتسابه
وباب الفرج ماهو على الناس مقفول
مات الرسول ومات حتى الصحابه
وزالت معين وطاح راسك يابو الهول
والقلب لو هو زاع من جور مابه
ل إنسان يجزع لكن الجهد مبذول
بلادنا تعطي القوي والغلابه
حتى المخالف بالعلاجات مشمول
وانا صبور والصبر له ثوابه
والعمر مهما طال حول(ن)ورى حول
لابد من قبر (ن) تطاير ترابه
واكبر حظيظ تموت والذكر مجمول
تبكي بعيد الناس قبل القرابه
الموت واحد لكن العز مجبول
#حسين_القفيلي
© 2024 - موقع الشعر