ياحمامه

ياحمامه تغرّد فوق غصن الجريد
هيّضتني وشاني مفختٍ شانها

جعلها الله لراعي شوزنيٍٍّ مجيد
يكسر النايفه من ريش جنحانها

الحمامه لها بالناس كيدٍ شديد
كل حيٍّ شكا من قوّ شيطانها

ذكرتني هوى اللي مثل عنق الفريد
قبل تدهكني الأيام بثقانها

لاسقى الله على قلبي نهار الشديد
يوم فرقا العيون لشوف حيانها

كل ماقلت طاب الجرح عوّد جديد
يوم فارقت منزلها وبلدانها

الهوى طالبه لامات كنه شهيد
والمحبه كثير الناس ماصانها

منوتي والتمني خابره ما يقيد
من قضب سلعته من عقب جحدانها

لذة العمر تنقص والليالي تزيد
سنة الله بهاليها وسلطانها

كل من جت له الدنيا على ما يريد
بدّلت له طرابتها بحقرانها