كلمني عني - خالد علي الكثيري

‏كلّمني عنّي
 
لاتجيني وانت في صوتك
من الدنيا حكي غيري
 
أبي أشبع
ترا جيتك ضما من الناس
 
لا تبقى مثل هالناس
رجّع لي الأنا فيني
 
وخليني أحس اني معك
ماضاع من قدري كثير
انت المثير
 
انت الكلام
الي يحررني
ويبقيني أسير
 
انت الأمير
 
وانا أنا ذاك الفضا
مايمتلي بغيرك رضا
 
‏وأنا عيوني
ماتشوف الا
بنورك
 
يا حلو قربك
ويا قلة حضورك
 
خلها تنبت
على وجهي زهورك
 
وخلني مثلك
أحس ب شي فيني
تنتظره الناس
 
واتغلّى
وازيد الباس
 
واتلذذ بهالإحساس
 
وانا كنت احسب اني
في دواهي الوقت
ما فيني أنا
 
لين استمعت لصوتي
بنظرة عيونك
 
زيدني نشوة
وعطني من فنونك
 
‏و اِرفع اوراقي
على اقرب غصونك
 
خلني بس ابتدي
خطوة حياة
 
وخلني لاعشت
اتذكرك فيني
 
وان ذبلت
اِرجع
و قول انك تبيني
 
ولا تجي
الا وانا كل الحكي
 
وقتها ماعاد بي
غير البكي
 
وابتدي و ..
 
كلمني عنّي
 
✒️
‎#بقلمي
خالد الكثيري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر