يوم كلمني - حسين القفيلي

ياقصيدي شخص من ضمن الخلايق
والله انه كون في عالم لحاله
جا على شانك بقلب وذوق رايق
لين صار الحرف ينطق من جماله
مرحبا ياشوقي اللي جيت تايق
ياغلاي اللي ذبحني في دلاله
يوم كلمني وانا مهموم ضايق
كن تباشير الفرح يقبل مخاله
مادريت ايش صار في بضع الدقايق؟
المواجع كلها صارت سهاله
جعلني فدوك عليك الحب لايق
خذ بقايا حالي اللي جاك فاله
يوم صارالحظ في دنياي عايق
ابتسم لي لين وردني زلاله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر