اسباب تنهيد الصدور - حبيّب حمود

يهب البراد وبين عوج الحنايا فوح
من اسباب تنهيد الصدور الشقاويه

سمومٍ تقفّاها من اوجاع قلبي نوح
على ضيمها اقفيت عن راحت الفيّه

الا ياحمام الورق ما أوجعتني بالدوح
تسليت بك عن واقع ٍ يخلف النيّه

تقول العرب منهو يهل دمعته مفضوح
وانا اقول يادمع القهر هات قاصيّه

على واحدٍ يسكن مابين الحشا والروح
وداعه وداعٍ يفجع الخي في خيّه

عليه الضلوع العوج من عقب راح تفوح
اجر النسم ملتاع ، من حرّ مافيّه

ظما الوجد مايبري من المشتحن جروح
ولو ذكرياته تِسْهِر العين ليليّيه

عسى الله يرحم من له بوسط صدري بوح
عجز حرف شعري يوصفه في قوافيّه

وعسى الله يجعل من عتيم القبر له ضوح
برحمتك واتصبّر اهله وعواااااانيّه

© 2024 - موقع الشعر