الهموم الكايده لاحتدت وسط الصدور
مايداويها هوى الكيف لو تستنشقه

وان تمثناها الشقاوي وعداها الصبور
من عيونه كل فرحن يمره تسرقه

خل عاد اللي يقول الخبر بين السطور
جرة الحظ الردي صلفقه في صلفقه

والله اني من غثاها تعديت الشعور
مرحله من عاشها كل شي يصدقه

كيف يستغرب وللحظ والايام دور
والدروس اللي على كل دور موثقه

كم فقيرن عاش بين افخم اكبار القصور
عقب كان عن الهبايب ذراه الصندقه

لاتقول ان الصواديف عدته البحور
الله اللي خالقه والله اللي يرزقه

من يقول ان المعادن بعضها مايبور
كم معدن كل ماصخن الوقت احرقه

خوة الاصحاب يمكن توديك القبور
لاختلف عن نهجها من تسلمه الثقه

ليت وانك مرهيً في سلاحن مايثور
لجل يسلم محزمك وتغدي في بندقه

وليت من يقنع من الجور يطمع بالعبور
من رضى بالهون يرضى بحبل المشنقه


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر