يا هاجسي ايقنت ..

لـ مرضي البلوي، ، في الملاحم، 43، آخر تحديث

يا هاجسي ايقنت .. - مرضي البلوي

ياهاجسي ايقنت انا ونت كنا
اصحاب ولا مثل الاخوه والاقراب

انس بك ومنا تجيني ومنا ..
تسعين غايه معك من دونها باب ..

والله يخارجنا عساه ويعنا ..
ويثيبنا بالصبر وهو خير من ثاب

ويجيرنا بامره اولا يمتحنا ..
تحدث مشاكل للعرب بتفه اسباب

اما غشيم نضايقه بس حنا ..
ولا حقودٍ مانريح له اعصاب ..

يعيبنا ويسيئنا ويغبنا ..
ولو الخبيث يطيب والله ماطاب

يحط فينا كل باطل وإنااااا
ويحلف بعد لو كان تبغاه بكتاب ..

وده لاعشنا ولا حيينا وكنا ..
وده كذا يمحى(مطاليق) بتراب ..

ضعيف نفس وحاسبينه وزنا
والحسبه اللي عندنا دون حساب ..

تبرم وتعقد ، ماترد وتثنا ..
ويالله على بابك يا فتاح الابواب ..

يالله على بابك هنا في وطنا ..
ويالله على بابك في اوطان الاجناب

انت المعين اللي عليه استعانا
يا ناصر محمد على كيد الاحزاب ..

يالله لاتردينا وتحبط عملنا ..
وجعل لنا بالخير والحق مضراب ..

وعن الرزايا اللي بلشنا بهنا ..
من حاسدٍ حاقد ومن دنس كذاب ..

لامن تبلانا وابدى يشتغلنا ..
اجعل لنا مابينا وبينك حجاب

اقراب لك يالله بساعة زعلنا
والملتجي يالله بحماك ماخاب

يخيب مسعى كل ظالم فتنا ..
وحنا بجاهك كل مايجسر يهاب

رجلاً مخلا عباد ربه تهنا ..
بمان ربه يعطبه ربه اعطاب

رايح على نفسه يصير المجنا
وسلعه رخيصه بين جالب وجلاب

يذله الله ذل لنه ولنا ..
ويعز ناب الضرس بضرس وناب

© 2024 - موقع الشعر