يا هاجسي خذني والايام للعبره

لـ عبدالله الفريدي، ، في غير مُحدد، آخر تحديث

يا هاجسي خذني والايام للعبره - عبدالله الفريدي

ناداني الهاجس اللي حز في صدره
لبية له والشعر جاوب ولبى له

قال انتهى العلم قلت العلم في قبره
محداً درى عنه ولاحد تورى له

قال السوالف كثيره قلت لا تشره
اللي يعد الوفاء لابد يرفى له

قال انت قلبك كبير وقلت يا صبره
ياصبر قلبً على اللي فيه يجرى له

قال انت تدمح كثير وقلت للعشره
منسى زمان على الطولات غنى له

قال الهوى وش بقلبك قلت محتكره
لو شفت غيره عروش الحب تبقى له

قال انت تظلم ضميرك قلت من غدره
يا كم ليلً سرى والقلب سرى له

اكتب غلاه بقصيد يلومني شعره
ينزف من القلب حبر وليت يقرى له

يا هاجسي خذني والايام للعبره
مصير الايام تكشف ما تحرى له

اما نقول الزمن قفى ويا غبره
ولا يجيب الزمن ماكان اشوى له

© 2023 - موقع الشعر