واعيون الشوق من فرقاء المهاوي
واغبون الحب من وقتً تغير
ماني بالبعد والهجران قاوي
ودي انه كل ليلً لي مسير
يطرب المسمع من عذاب الحكاوي
وتبتشره العين بالخد المنير
من فقد قلبً بحبه وش يساوي
يذرف الدمعه مثل طفلً صغير
دمعه اللي فاقد الحضن الحناوي
من فقدها والطفل عقله مطير
يرجي امه مار ما تفيد الرجاوي
حكمه الاقدار والوقت المسير
يا بعد كل الملا وكل المناوي
يا خشف ريمً من القانص مذير
والله اني في محبتك الشقاوي
ليتني من قبل لا اعرفك مخير
استخرت من المحبه والبلاوي
وعن عموم اهل الهوى ماني متخير
لا بغيتك ما تقربك العزواي
ترزم بصدري رزيم ام الحوير
قلبي اللي ما يداويه المداوي
وعن غرامك ما يضير لو تضير
يا جميل لكل ما للزين حاوي
اعتقي قلب على حبك مجير
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.