كما تد ين تدان - سلطان المجلي

قبل لا تظلم الدنيا وتغرب شمس هذا اليوم
أبيك تفكر بقلبٍ ترك هالعالم وجالك

أبيك تْراجع احساسك قبل تاخذك عين النوم
وتسأل حالك بحالك عذابي ليش يحلا لك

وابيك تميز بعينك من الظالم من المظلوم
وأبا اعرف كيف ما يقدر ضميرك يمنع افعالك

أنا ما شنت فيك الظن.. لكن شان بك مرغوم
بعد ما شاف حسن الظن قتيل بْخنجر اهمالك

لقيت وما عرفت أختار .. وزادت "ع" الهموم
اهمومبغيتك عون ما أدري .. سكن فرعون في بالك

وأنا هارب من الوحدة .. هربت بْقلبي المحروم
بعد ما فرحي تْمرد عليّه قلت : با لجالك

لجيت لْقلبك وقلبي رجع فيه العشم مهزوم
هقيتك تقتل احزاني ومات الفرح بوصالك

تركتك يوم شفتك ما تجني بالعتب واللوم
وقلت : أبعد عن اجوائك عساه الجو يصفا لك

وقلبي اللي يهاب الموت..و يكره كلمة المرحوم
قتلته قبل ما تقتل عزيز و يخضع قْبالك

بعد ماطحت من عيني .. تبي تقتعد بها وتقوم
حبيبي هذا كان أول.. يوم انك بها لْحالك

ورى ظهرك رميت اللي تمنا الخير فيك يْدوم
نصحك وما سمعته لين طحت "ف" شر أعمالك

وهذي نهاية دْروبك وماني بالخطا ملزوم
خطيت أتحمل أخطائك .. وخل تنفعك عذالك

بغوك تْذلني وآشوف وجه الذل بك مرسوم
عسى الجبار لا يهينك.. وأنا ما ردت أذلالك

بغيتك بس تتعلم كيف ان القضا محتوم
مثل مانته تدين تدان .. وهذي حكمة المالك

© 2024 - موقع الشعر