مُعجبة

لـ سلطان المجلي، ، في غير مُحدد

مُعجبة - سلطان المجلي

أنتي أول معجبه بي واول اسطور الكتاب
لن اعجابك بشخصي قبل شعرٍ أكتبه

لاتخلي الغيره قاضي وتفتحي للشك باب
وأنتي أول من أحبه قبل أول تجربه

أنتي من شتت جموعي دون ما يعمل حساب
وأنتي من يجمع سرابي لاجل روحي تشربه

أنتي أوضح شي لعيني مثل أطراف السراب
وانتي أغمض شي فيني مثل روحي المتعبه

أنتي نبع بوسط صحرا وانا محتاج الشراب
وأنتي رمضه في طريقي وسهل دربي واصعبه

أنتي أحلام الطفوله وواقع بعمر الشباب
وأنتي كل شي ٍ أحبه وكل شي أستعذبه

أنتي أطراف الخطايا وأنتي أعماق الصواب
وأنتي كل شي ٍ عرفته وكل شي أستغربه

في النهايه أنتي آنا لا سؤال ولاجواب
وأنتي أول حرف فيني لو نسيته أكتبه

© 2024 - موقع الشعر