لاعاد أشوفه في مجالس ربوعي - سعود الفطيماني

للي مايمشي في مصيبة بني خيه
لا عاد أشوفه في مجالس ربوعي

لاعاد يطريني ولا لي بطاريه
اهل القطاعة خايبين الطبوعي

قالو تشره قلت فوق المشاريه
ابنصح للي طامع" بالطلوعي

ترى الردي بنته تماثل مباديه
لو يرضع الاداب كبده تزوعي

وترى الضعيف لو يعلي مبانيه
ويشيخ بس قلبه هزيل جزوعي

يالعنبو مال " فصخ ثوب راعيه
يترع من الشبعه وخواته تجوعي

والله لو للمرجله سوق لاتيه
واهديه حيث نقصه يهشم ضلوعي

بعض البشر مثل السحاب لاعوانيه
حماي وفيه رحمه وعفيف ونفوعي

ان حدتك شهب الليالي تناديه
كل شي من جاهه يجيله بطوعي

شفنا العجايب وانصح للي بدا فيه
عرق الرخامه وبالهزيله قنوعي

تراك في اتلا حياتك بتجنيه
خلوك ثم عينك تزف الدموعي

مثل القلم قدره يفره ويبريه
واصبح رماده في مواطي ربوعي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر