هبي علينا يالنسانيس بالهون
نشبع به صدر" ضلوعه نحايل
قاف" يغنونه ربوعي على لحون
صفين لاصتكو ثبات وتهايل
في ليلة يضحك بها كل مشطون
هذا طراة الروح ودوك الجزايل
يا برجس ....ابشر بي وأنا منك مرهون
رد القضاء فمدحك رفيع الخصائل
اللي حصل طيب وشاعر وملسون
ومع لابته هذه عليها دلائل
فالرجل فالمعدن وخافيك مضمون
أقولها وأنا عدو المحايل
ربعك على روس النوايف يشافون
صيت" قديم وجددوه....بفعايل
صوارم" صدر الجزيرة يسودون
وإن جالهم ضد" لقيت الصمايل
مايمشي مهموم" ولا ضاق مديون
الا يقفي منشدن له مثايل
وإن حول المبلي بهمه يهلون
يلقى الرجاء من كاسبين الجمايل
لاد الظهيري فالقبيلة يسمون
اهل المحاجي متعبين الاصايل
ولاد الظهيري في دهرهم يجودون
قبل الدراهم... معبسات الشمايل
كم في طرفهم جاير" بهم يحدون
تهابه جموع" لموته غلايل
ويامرحبا يامحفل" فيه يلفون
روس الرجال معربين السلايل
مجامعه يوم التحدي يزودن
زودن يشوش طيبين القبايل
بالمال في عتق المقيد يمدون
حازو على التقفيل تاج الاوايل
سبعان وان رد البرى مايقفون
ماجو هجاد الا خذوهم قوايل
وبالسيف عن دار السبيعي يذودن
لين استوى الوادي وذيك المسايل
سبعان للغارات قاده يعدون
مع المؤسس كاسبين النفايل
والله لو امدح عن المدح ترقون
انتم نجوم" في سمانا نخايل
وان من الامداح مايسع الكون
سهول مسمانا ...بنوك الجمايل
يوم الجهل دون السبيعي يفادون
وسبيع تسقي من ناونا نكايل
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.