السهول ان حلو اشباح الحرايب
كم حبيبِ يفرقونه من حبيبه
ياوبال الخيل ياريف الركايب
يالنمور اللي مظاربكم عطيبه
ريفهن لامن كبو خطوا الزلايب
ياصناديدٍ مناسبكم عريبه
تعرفون بيوم تنطيل العصايب
لادنا خطوا حريب من حريبه
ما يخيف قلوبكم كثر الكتايب
كل ممرورٍ يصادم له كتيبه
كم شبابِ بات مما شاف شايب
فعلكم في كل ديوان ٍ حكي به
انتم اللي حطكم ربي عطايب
كل قايد سربةٍ تتمون صيبه
وانتم اهل الباس لانسنس هبايب
وانتم اللي ما تحطون الرقيبه
وانتم العقبان في حل النوايب
جرحكم وسط الفتى يصعب طبيبه
من عوايدكم بنادقكم عطايب
ما تثور الا على حد الضريبه
مطلق الجربا عريبٍ من عرايب
من فعايلكم حليله شق جيبه
طيبكم تدري به ارجالٍ اطايب
والردي لو سب خيبه ما دري به
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.