وين الخطا يوم افتخر في ربوعي

لـ سلمان الوهيف الرويلي، ، في غير مُحدد، آخر تحديث

وين الخطا يوم افتخر في ربوعي - سلمان الوهيف الرويلي

وين الخطا يوم افتخر في ربوعي
قولو خطايه واعتذر كاني اخطيت

شاعر رويلي مارضيت الخضوعي
وعيال وايل عزوتي لاتعزويت

لو انتخي جتني جموعٍ تروعي
وكلٍ يجاوب نخوتي لاتناخيت

هم عزوتي هم مسندي والدروعي
ياسعد عيني لانخيت وتهقويت

بالآبه اللي ساكنه في ضلوعي
ومن صغر سني في غلاها تربيت

أمجادها متزايده بالطلوعي
لين أستقرت بالسما وأستقريت

ويلان يعني يخضع المجد طوعي
والمجد حنا منبعه ماتجنيت

مبطي وحنا مروضين الجزوعي
وحنا هل الناموس كسابة الصيت

حنا سلاطين العرب والجموعي
من دور وايل للملك خادم البيت

من حقي أفخر وأفتخر في ربوعي
ولاهو خطا لامن فخر وتباهيت

بروس الرجال أهل الوفا والطبوعي
اللي تنومس لافخرت وتغنيت

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر