نصيحة مجرب - علي المدني

نسكب من الأفكار فنجال كايف
       من يشربه يشفى لو الجرح غاير

اللي زرع  في يبس يلقى حسايف
      واللي زرع  وسط الثرى  له بشاير

والعرف والعراف قمَّه لنايف 
     والاستشاره  بالعرب درب ساير  

والناس في صحبه وليها وصايف
   خلك فطن حذرى من أمَّ  الكباير

صحبة خبل تهوى بكم في دلايف
وصحبة شهم تنجي لو الوقت جاير

وصحبة منافق ضحكها ضحك زايف
       عايش بلا مبدى معاهم و حاير

وصحبة مصالح عدها من خفايف
        عقب المصالح  ينكشف كلَّ باير

وصحبه بلا تقوى  تراها عجايف
          هاجر  لدينك مورده  للخساير

والخير ولأخيار تبقى ولايف
            والاستخاره  منجيه  للمخاير

  خذها نصيحه من مجرب وشايف
         تُعما عيون ولا عمى في بصاير

بقلمي المتواضع / علي المدني
          

© 2024 - موقع الشعر