حظر التجول

مساجله شعرية
بين الشاعر محمد بن معيض
و الشاعر فرج بن درعان
 
فرج يقول:
 
يامحمد بن معيض ماشفت خلي
اللي ... عليه القلب زايد .. عذابه
 
خلً .. يتل الروح .. والقلب .. تلي
راع الأدب راع .. الفهم .. والذرابه
 
وشلون ... انا بجيه ... بالله ...قلي
ومن دونهم تاقف حدود .. الرقابه
 
أنت .. الوحيد اللي تعرف .. وتدلي
وتعرف .. مكان الزين والدل .. بابه
 
افهم ..كلامي وانتبه .. وستمع لي
قله .. خطير و غارقً في .. مصابه
 
 
وردي عليه:
 
لا والله الا يافرج.. في محلي
والي تضايق منه صدرك.. يشابه
 
ضيقً جثم في الخاطر المسفهلي
عز الله انه يا فرج يندعابه
 
العين ترقب.. واللقاء ماحصلي
والمشتحن.. نوخ وقيد ركابه
 
من يوم حدود بيني وما يسلي
خاطر يموت ولا يعيش ف كآبه
 
من دون طرف ورمش عين مظلي
ومبسمً كنه يقاطر رضابه
 
وروضً سقاه الله مزنََ يهلي
متشابكً عشبه ولاحدً مشابه
 
وذودً اباكيره تنطح تهلي
اليا اقبل الوبال تروح ثيابه
 
دربًََ مساريه.. غدت عادتً لي
اليوم موحش ساق رجلي يهابه
 
من اولً.. اسج.. واربط.. واحلي..
واليوم.. سجات القدم بالطلابه
 
ماغير.. خابر لي رفيعً مطلي
قريّب.. وداخل حدود الرقابه
 
ماذبه الا في العصير المولي
واليوم.. يسأل في الضحى ويش جابه؟