مزاج بعض الناس صاير معكر - خالد بن عبدالعزيز التميمي

مزاج بعض الناس صاير معكر
مدري من اهل البيت والا الكرونا

امايذم الحال والا تذمر
في وضعهم بعض العرب اشغلونا

من وضعه الحالي ماغير يتضجر
ويقول ليش بدارنا يحبسونا

قله ترا الموضوع يافلان اكبر
ولمصلحتنا يالغشيم حجرونا

هذا المرض معدي وكل يوم يظهر
واهل المعرفة بالمرض خبرونا

في كل دولة ينتشر ويتطور
وفي كل نشرة للعدد ينشرونا

وحنا وطنا حاكم الدار حذر
واهل التخصص بالبلد حذرونا

في دولة في ناظر الناس تكبر
برجالها اللي بالفعل شرفونا

امر من المولى علينا مقدر
وماقدر الوالي علينا يكونا

لكن نصيحة اطلب الله واصبر
اللي يصرف كائنات وكونا

ياكم عسر عقبه الله يسر
ولابدهامع قدرة الله تهونا

خالد
© 2024 - موقع الشعر