صرخة الم

قصه معاناه قراتهاوكتبت فيها قصيده على لسان صاحبها
صاحت بألم عشت بحيا مر وانكاد

والعين تسهر ليلها ما تنامي
هو حظي المقسوم بالحزن يوم جاد

والجرح في قلبي من الحب دامي
والجرح ما داووه والطب مافاد

كل الاطباما درو وش علامي
واعجزة علم الطب والعله تزداد

والناس تسمع قصتي بأهتمامي
والشيخ يقرا كل جلسه بميعاد

واحتار ما داوى لي القلب ضامي
ما يدرو ان الحب فالقلب قد عاد

وفراق خلي عذب القلب عامي
ما يدرو ان الروح خلي بها ساد

يطرده ابوي البارحه من امامي
يوم جا يبي قربه على كل ما راد

وابدى علومه يوم جاء بأحترامي
والرد جاء بالعنف والقول ينعاد

ويقول ماله اصل وابلا مقامي
والله لو لا الخوف من رب الاوجاد

لا ارمي بروحي لين تفنى عظامي
وارتاح من دنيا بها هم واحقاد

وافتك من عمر الشقى والخصامي
هذي هي القصه مع الحزن تنقاد

كتبتها يا ناس بأحلا نظامي