ذنبي عرفته - سعيدبن يحيى الزهراني

ذنبي عرفته قبل ما يصبح ذنوب
ودريت به لكن من جاء يعزي

عزي لقلبي زاد به طعن محبوب
واسقاه من كاس المراراتجزي

يوم اوهمه بالحب تمثيل واسلوب
ثم هزه بقول الحقيقات هزي

ياقلب انا حبيت واديت مطلوب
لكن من حبيت فعله مخزي

جازاك بالنكران يوم دزمكتوب
مضمون مكتوبه عبارة تهزي

ثم عادها بالصوت ماني بمغصوب
مالك وسط قلبي مكانن يوزي

القلب غيرك فاز به و انت يادوب
لتسليه والضحك من دون مأخزي

والحين اقول ارحل وعن حبنا توب
مادام غيرك قلبنا له يفزي

اللى اسرني بالهوا دون مندوب
لو غاب يوم يبان ضعفي وعجزي

مدري سحرني حبه وصرت محجوب
محجوب نون العين من دون وخزي

خمسة سنين وحبنا لابس الثوب
والحب ثوبه زان مابه تمزي

هذي الحقيقه وانت لا تصير مكروب
ماقلت لك بالحب تعشق لغمزي

رديت صبرك علمك اليوم مكذوب
ماقلت بالاول بك الغير فزي

وهقتني بالحب واقفيت مغلوب
والحين تنصحني لك النصح جزي

جرعتني كاس المرارات مشروب
رزيت جرح الحب فالقلب رزي

مثلك بدرب الحب ماهو بمحسوب
يبرا زمان الحب منه ويكزي

مافيك مالاحساس لو ذره تنوب
والصدق مايعرفك لو به تلزي

قولي يصل لك جعلك بنار ولهوب
تشويك وتعذبك في كل حزي

ياجعلك بمرزبه اليوم مضروب
جهنم لمثلك تراها توزي

حبك رحل والحين ماعدت مرغوب
من خاننا بعناه لو جاء برزي

اشركت بي وبحبك الغدر مصحوب
لاتقول ماترزا وهذي ترزي

هذي الوداعيه مع خل منكوب
وانصحه خذ عبره وبالحب اعزي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر