خاويت بالدنياء - مبارك الاسلمي الاسلمي

خاويت انا بالوقت من كل الاشكال
وعرفت عفنين اللحى من وسومه

خاويت لي من جملة الناس رجال
وعند الشدايد بارد الوجه بومه

وقت الرخى يطربك في زين الافعال
طيرٍ ضعيف ويدبل الكبد حومه

هذي هي الدنياء مطانيخ وانذال
لاتزبن اللي هافيات ن علومه

لاشانت الدنياء خذ العلم بالحال
تظهر مطانيخ العرب من رخومه

تلقاء ردي الساس ومعرب الخال
والطيب قسّمه الولي في قسومه

لو ترفع الناقص نزل ورثه حثال
خبيث طبع وناقص ن في عزومه

© 2022 - موقع الشعر