يانبض قلبي - سعيد الشهيب

يانبض قلبي وياكلي وياذاتي
ياهاجس الشعر كله يااعظم انسانه

حلمت بك قبل لافرح في شهاداتي
وعشتك بعد مانرسم للعمر عنوانه

بعد الزمان الردي غير مساراتي
واصبحت مابين مطرقته وسندانه

وامسيت محروم منك بكل لحظاتي
رغم انك بقلبي النابض وشريانه

احياك اموتك احسك كل غاياتي
الحاضر الغائب العائش على شانه

المسك والقاك في كامل مساحاتي
وادورك ما جدك والعين سهرانه

واستنشق الصبر من حزني و عبراتي
واذوب في شوقي الثاير وبركانه

واستغفر الله من ذنبي وزلاتي
الي ولك ربي المعبود سبحانه

اذكر ك والله حتى في صلاواتي
وانسى واعيد اذكرك بالشعر ووزانه

واخشى عليك الزلل من بعض غلطاتي
اخاف لانسى وانادي بسمك(..)

توقعي كل شيئاً ربما ياتي
جنبي وش ابن الملوح قيس وجنانه

هذاه وضعي وهذي بعض حالاتي
ياهاجس الشعر كله ياجمل انسانه

© 2022 - موقع الشعر