امتى الحظ معايا يلعب
وفِي يوم أصحى ألقى كنز
وأروح شغلي ومديري أضرب
وأتغدى حمام ووز
طب شهادة بنك أكسب
وأبقى ساويرس ولا عز
وأبطل من المر أشرب
وأقول لعهد الفقر طز
أمتى بالفلوس راح ألعب
مرسيدس أركب وأبقى مز
وبطيارة لكندا أهرب
ووبلاش حشيش راح أشرب
وأبقى فز
بالذمة مش حاجة فل
أنام كتير وماشتغلش
وبت حلوة تقولي كُل
don’t care يا واد يا rich
أركب فيراري أعمل سفاري
وأجيب شوفير و beach buggy
وأجيب روبوت يخدم عيالي
يعمل بدالي السندوتش
أجيب فيلا بسعر غالي
أكل سمك وأسميه fish
أشرب سيجار وأقول ده جالي
من صديقي Mordich
امتى بس يا حظي تفرد ليّ وشك وماتعاندش
ده لو سألت جيوبي تشهد
إمتى فضّت كل قرش
أهو كل يوم نفس الميعاد
مخي بيقضيها search
يهرب مني يلف البلاد
والنتيجة إني مانمش
أصحي بدري وحالتي bad
وأقول أروح ولا مارحش
وفِي الاخر ألبس وأروح
شغلي فمنه ماترفدش
وأهو كل يوم النوم يطير
أهم حاجة إني مانمش
تقول شاويش تقول غفير
وفي الcareer مايتأوبش

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر