عارفة المشكلة إيه في لُقاكِ؟

لـ ريمون سليمان، ، في الغزل والوصف، آخر تحديث

عارفة المشكلة إيه في لُقاكِ؟ - ريمون سليمان

عارفة المشكلة إيه في لُقاكِ؟
مش حد بصدفة قابل حد

مَش اتنين اتفقوا رغم البعد
مشكلتي حقيقي إني معاكِ

بحس الكون وللحظة أتوقف
حد لقيته من غير ما أعرف

تايه مني بقاله كتير
فجاءة لقيته بدون تدوير

في لحظة اتوقف عنده زماني
مش عايز بعده إنسان تاني

حد دخل جوايا بقوة
قابل منه حب وقسوة

نفسي بجد أحاول أوصف
نفسي أقول وكتير مَش بعرف

احساس خبيته من كل الناس
حبسته في أوضه ب ١٠٠ ترباس

زي ما روح تلبس انسان
تملك روحه والوجدان

حاسس انك كلك جوه
قاعدة بنفسك مالكة بقوة

نفسي أوصفلك بس أنا عاجز
ومافيش جملة تعبر، جايز

طيب سيبك من احساسي
ياما قتلته وبعمل ناسي

سيبك إنك ساكنة وريدي
ولما بتصحي بيبدأ عيدي

أنا مش عايز أقولك حتى
ولو قضيتي عمرك ساكتة

أنا مَش عايز غير رؤياكي
أقضي زماني الجاي معاكي

حتى ولو ماتكلمناش
وشوفت ملامحك من غير صوت

أو عن بُعد ماسلمناش
أصلي يا روحي في البعد هموت

عارفة المشكلة تحصل امتى
لما تنامي بحس بوحدة

من غير نتش الكون ده بيفضى
شوية الفضا يمشي ويتسحب

حبة بحبة بيملأ كياني
مهما بحاول منه إن أهرب

يملأ مشاعري يطوف وجداني
بس ساعتها، بحس بوحدة

وحدة وخوف وتوها وغربة
حقيقي كل الكون ده بيفضي

بره بيفضى جوه بيفضى
طفل ورافض بعدك يرضى

عارف إنك مَش حساني
عارف إنك مَش عايزاني

بس أنا راضي بحكم زماني
ما هو مَش ذنبي إن كياني

وكل نقطة دم في شرياني
حفظت اسمك رافضة تصدك

تبكي بخوف وبترفض بعدك
حتى إن حبيتي كل الناس

وأنا سقتيني مر في كاس
قتلتي مشاعري والإحساس

حتى إن قلبي يوماتي إنداس
هيطلع ود وإخلاص

أنا مَش هسيبك مهما يكون
وإن كان ضدي كل الكون

هديكي حياتي وعمري يهون
ولو هتسمي قراري جنون

© 2024 - موقع الشعر