مبـروك ياكسّـاب جـزل النوامـيـس - سعود سعيد المرزوقي

مبروك ياكسّاب جزل النواميس
ياللي بفوز الملتقى ترفع الراس

نادوك باسمك واعلن ( ن ) الكواليس
فوز البكار اللي خذت كل نوماس

فوز ( ن ) حقيقي ماحصل به تلاميس
في ملتقى الهيلا جمع كل نبراس

باسم الجليدي ذعذعن النسانيس
في وسط حفل ( ن ) فيه من كل الاجناس

الذكر للرحمن ملعون يابليس
الشك زال وكل ريبه وهوجاس

مبروك يا محمد بكل المقاييس
يامن ظهر صيته مثل كل قرناس

فيك الكرم والجود ماله مقاييس
وفيك الوفا والحب مخلوط باحساس

لك مجلس ( ن ) ماجا لبابه متاريس
ما قفلوا بابه على كل متراس

مفتوح للضيفان لأجل النواميس
ما يدهله حاسد ولا كل بلاّس

كود القروم اللي وصوف القرانيس
اللي لهم فالمجد وقفه ومجلاس

فيه الدلال المبهرات المناكيس
اللي بها هيل الحبش ماله قياس

مع حيل ضانن في صحونن ملابيس
لخطو الضيوف اللي على الطيب جلاّس

هذا كلام ( ن ) صدق ما فيه تدنيس
ماهوب هرج ( ن ) فيه كذب وتلمّاس

الشاعر / سعود بن سعيد بن خميّس المرزوقي البقمي
© 2024 - موقع الشعر