بشـرم الشيـخ

يعيش الحاكم اللي سكت الليبي بشرم الشيخ
عطاه القاز يومنه تعرض للسعوديه

ولد عبدالعزيز اللي فعوله جالها تاريخ
فعول(ن) من قديم الوقت مكتوبه ومقريه

ملكنا شيخ من صغره وهو يستاهل التشييخ
تربى في قصور العز بالإيمان محميه

يساعد كل من حده زمانه واظهر التصريخ
وخلته السنين العجف بين الشمس والفيه

بعد ما شقق هدومه وشق الوجه بالتمشيخ
نهض به نهضةً للناس مشيوفه ومرئيه

سعودي بالشجاعه والبتاعه يوصل المريخ
ولد عبدالعزيز اللي يقول ويحتمي الهيه

ملكنا نمر ولا أنت يامعمر تعود ذيخ
تعود ذيخ(ن) أطوق عايش(ن) وسط الحراميه

أبو متعب عطاك من الكوايا يامعمر صيخ
كواك الكيه اللي مايجي من عقبها كيه

عطاك اللي حصلك من كلام(ن) شين والتوبيخ
بعدها هل دمع العين من ليبي وليبيه

وقفلك سيدي بالملح والخفان والرزنيخ
مادامك ملحد(ن) وتبدل الحسنات بالسيه

وطعني يامعمر لا تعمر واترك التصويخ
وعود للعهود اللي على التشريع مبنيه

بعدها يالدجاج العور ماتقوى على التفريخ
تموت فروخكم مابين هذيه وهذيه

مادامنك تلطخ فالعروبه والعرب تلطيخ
بعدنا تلعن الشيطان فالروحات والجيه