تعبت من انتظارك ... - حمد بن توزان

تعبت من انتظارك يالغلا وابطى علي ردك
على طاريك صرت اسهر وزود الفكر عناني

أفكر فيك ياحبي انام اصحى على وعدك
واخيل اطياف زولك واتحرى يوم تلقاني

رسمتك في خيالي روضة وورودها خدك
وصورت البلابل في رياضك تعزف الحاني

نزف قلبي غرام وشوق ماعدت احتمل صدك
سلب عقلي تملكني ولا ادري وين وداني

تراك اللي محد قبلك ولاظني يجي بعدك
ولاياصل مواصيلك ولا أحصي من تمناني

ابيع الروح لعيونك واذا يرضيك ماردك
على ماكان ظنك بي ورى الهقوات تلقاني

انا اللي صرت بك هايم وانا اللي مال بي قدك
انا الصلب الشديد اللي بلمسه من يدك لاني

انا اللي باعته الاقدار أنا اللي جابته عندك
انا اللي باح لك سده ومايخفيه لك باني

انا اللي اعشقك واهواك واتمناك واعدك
حياتي دنيتي روحي عذابي منتهى احزاني

حمد بن توزان

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر