يــا خـــــــوي - سعود بن ماضي العطاوي

يا خوي لا عاد تنشدني عن الحالي
حالي تردى وقلبي زادت همومه

من عقب فرقى الغضي والدمع همالي
والعين من نومها يا خوي محرومه

واليا بغيت اتنسى الزين ما جالي
تطري علي ضحكة المجمول وعلومه

واليا ذكرته عيوني دمعها سالي
وهموم قلبي في وسط الصدر مكتومه

من شافني يحسبني دالهن سالي
ما يدري ان حالي من البعد معدومه

امشي مع الناس والغربال يبرالي
والقلب من هجر خلي ضعفت عزومه

في وسط ربعي مغير اخم جوالي
لعل في شاشته تظهر لي رقومه

لكن يا ويل حالي منه عزالي
الزين ما رد لي الاخبار وش قومه

يالله ياللي مزونك في السما العالي
يا منزل(ن) المطر من عالي غيومه

تردلي من ملكني اول وتالي
ويطيب حالي من الهجران وسهومه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر