صباح الخير مكتوبة
صباح الخير مسموعة
صباح الخير وجه لوجه
و بالفديو صباح الخير
*
اذا مو كافي اتكلّم
ولا تترك بي اللوعه
أنا ودّي أصبح لك
قبل تغريد كل الطير
*
صباحك من قبل ليلك
ضوى لي عتمة شموعه
صباحك قصتي أرجوك
لا تتعوّد التأخير
*
أنا صرت احتري زولك
يمرّ ويرسم الروعه
بكل أحداث هذا اليوم
ويعطيني بها تقرير
*
يبدّد كل أحزاني
يردّ حبال مقطوعة
ويبرا جرحي الأول
يخلِّ ال مايصير يصير
*
صباحك مبتسم دايم
ترا التكشيرة ممنوعة
وصباحي من بدا زولك
أنا بشوفتك والله غير